വ്യവസായ മേഖലയിലെ വേസ്റ്റ് ഓയിൽ യൂണിറ്റിൽ അഗ്നിബാധ : അന്യസംസ്ഥാന തൊഴിലാളി മരിച്ചു

കമ്പനിക്കകത്ത് ആദ്യം ചെറിയ തോതിൽ തീപിടിത്തം ഉണ്ടായപ്പോൾ അതിനെ നിയന്ത്രിക്കാമെന്ന് കരുതി പുറത്തുണ്ടായിരുന്ന തൊഴിലാളികളിലൊരാൾ അകത്തേക്ക് ഓടിയെത്തി. എന്നാൽ അപ്രതീക്ഷിതമായി തീ വേഗത്തിൽ വ്യാപിച്ചതോടെ തൊഴിലാളിക്ക് പുറത്തേക്ക് കടക്കാൻ സാധിക്കാതെ വന്നതായാണ് സൂചന.

സ്ഥാപനത്തിനകത്ത് ഉണ്ടായിരുന്ന അഗ്നിശമന ഉപകരണങ്ങൾ ഉപയോഗിച്ചും തീ നിയന്ത്രിക്കാൻ കഴിയാതെ വന്നതോടെ ഫയർഫോഴ്സ് സംഘം സ്ഥലത്തെത്തി. കടുത്ത വേനലും സമീപ പുഴയിൽ നിന്നുള്ള ശക്തമായ കാറ്റും തീ പടരാൻ കാരണമായെങ്കിലും പിന്നീട് അഗ്നി നിയന്ത്രണ വിധേയമാക്കാൻ സാധിച്ചു.

തുടർന്ന് രക്ഷാപ്രവർത്തനങ്ങൾ വേഗത്തിലാക്കി. സംഭവത്തെ കുറിച്ച് കൂടുതൽ അന്വേഷണം തുടരുകയാണ്.